Lajme
Shoqata e Mjekëve Shqiptarë në Austri mban simpoziumin e dytë dhe zgjedh kryesinë e re

Më 17 maj 2025 u zhvillua me sukses Simpoziumi i Dytë i Shoqatës së Mjekëve Shqiptarë në Austri (SHMSHA), duke shënuar një tjetër ngjarje të rëndësishme për komunitetin e mjekëve shqiptarë në këtë shtet, shkruan albinfo.ch.
Ngjarja, e cila u karakterizua nga një atmosferë profesionale dhe shoqërore, mblodhi së bashku profesionistë të shëndetësisë nga mbarë Austria dhe më gjerë, për të ndarë përvoja, zhvillime të reja shkencore dhe për të forcuar rrjetëzimin mes anëtarëve të komunitetit mjekësor shqiptar.
Në emër të SHMSHA-së, organizatorët shprehën falënderim të veçantë për të gjithë pjesëmarrësit dhe kontribuesit në këtë simpozium. Një mirënjohje e veçantë iu dedikua Univ. Priv. Doz. Dr. med. univ. Emir Haxhijës për angazhimin e tij të palodhshëm dhe përkushtimin e vazhdueshëm, jo vetëm në organizimin e të dy simpoziumeve, por edhe për rolin e tij të pazëvendësueshëm që nga themelimi i shoqatës. Kontributi i Dr. Haxhijës u vlerësua si vendimtar për ngritjen e shoqatës në këtë nivel profesional dhe institucional, shkruan albinfo.ch.
Në kuadër të simpoziumit u mbajt gjithashtu Kuvendi i Shoqatës, gjatë të cilit u zgjodh edhe kryesia e re, që do të udhëheqë SHMSHA-në në mandatin e ardhshëm:
Kryesia e re e SHMSHA-së përbëhet nga:
- Univ. Priv. Doz. Dr. med. dent. Lumnije Kqiku-Biblekaj – Kryetare
- Dr. med. univ. Bujar Neziri – Nënkryetar
- Dr. med. univ. Arben Susuri – Sekretar
- OA Dr. med. univ. Mimoza Shema-Kastrati – Zëvendëssekretare
- Dr. med. univ. Rina Demjaha – Arkëtare
- Prim. Dr. med. univ. Faton Gorani – Anëtar
- OA Dr. med. univ. Pranvera Bimbashi – Anëtare
- Mag. pharm. Bajram Tershani – Anëtar
- Dr. med. univ. Olgers Avllazagaj – Anëtar
- Dr. med. univ. Sara Kuleta-Plakolli – Anëtare
Organizatorët theksuan se me këtë strukturë të re udhëheqëse, SHMSHA synon të vazhdojë rrugëtimin drejt avancimit profesional, bashkëpunimit ndërinstitucional dhe promovimit të vlerave të komunitetit mjekësor shqiptar në Austri, shkruan albinfo.ch.
Të tjera nga Lajme
E-Diaspora
-
NZZ shkruan për ambasadorin e Kosovës në Bern, Mentor Latifin Përkushtimi dhe sfidat e ambasadorit të Kosovës në Zvicër sipas NZZ...
-
Kujdes bashkatdhetarë: Shkeljet në trafik në Kosovë mund t’ju kushtojnë edhe në Zvicër
-
Kosovë: Mërgimtari që voziti trotuarit bëhet viral edhe në Zvicër
-
Gzim Hasani, në mesin 20 CEO-ve më me ndikim në Zvicër sipas Handelszeitung
-
Vetëm 0.3% e arrijnë këtë sukses, Luani thyen paragjykimet në Gjermani
Jeta në Zvicër
-
Zvicerani nga Prishtina: Si u bë një refugjat ballkanik, ambasador i Kosovës NZZ: "Mentor Latifi është një ambasador i pazakontë nga një vend tjetër në Zvicër. Ai mban...
-
Gzim Hasani, në mesin 20 CEO-ve më me ndikim në Zvicër sipas Handelszeitung
-
Kujdes me suveniret e pushimeve, çantat e falsifikuara ndalohen në Zvicër
-
Rritje drastike e qirave pas rinovimeve në Lucernë
-
“Swiyu”, emri që kushtoi 62 mijë franga, për ҫfarë bëhet fjalë?