Shkurtime të vendeve të punës si pasojë e forcimit të frangut

Pas ndryshimit të raportit në mes të frangut dhe euros, që ka ndodhur në muajin janar të këtij viti, shumë ndërmarrje zvicerane janë përballur me vështirësi të mëdha. Fjala është për pasojat e rritjes së vlerës së frangut, që nënkupton probleme me eksportin e mallrave dhe si rrjedhojë pamundësinë e mbajtjes së nivelit të pagave të punëtorëve.

Kështu, për të zbutur këto vështirësi, një numër ndërmarrjesh janë detyruar të marrin masa drastike: zgjatjen e orarit të punës ose të shkurtimit të vendeve të punës.

Sipas një sondazhi që ka bëre banka Credit Suise me anëtarët e federatës profesionale të tregtisë prokure.ch , tri të katërtat e tyre i kanë rritur oraret e punës ose kanë përjashtuar nga puna një pjesë të personelit. Një pjesë tjetër e ndërmarrjeve janë përcaktuar për pagesa me euro.