Sekretari i Thesarit të SHBA-së pret përfundimin e bisedimeve tregtare deri në fund të tetorit

Keystone EPA/KENT NISHIMURA / POOL

Sekretari i Thesarit të Shteteve të Bashkuara, Scott Bessent, ka deklaruar se bisedimet tregtare me vendet e prekura pritet të përfundojnë, për pjesën më të madhe, deri në fund të tetorit. Kjo u bë e ditur në një intervistë për gazetën japoneze “Nikkei”, raporton “Blick”, transmeton albinfo.ch.

Ndërsa Zvicra nuk u përmend drejtpërdrejt në artikullin origjinal të “Nikkei”-t, “Blick” thekson se vendi ynë do të jetë një partner kyç në këto bisedime, duke cituar fjalët e sekretarit Bessent.

Ai gjithashtu shtoi se tarifat e importit të SHBA-së “kanë të ngjarë” të ulen nëse deficitet tregtare përmirësohen. “Me kalimin e kohës, tarifat duhet të jenë si një kub akulli që shkrihet”, tha Bessent për “Nikkei”, duke shprehur shpresën për një qetësim gradual të barrierave tarifore në tregtinë ndërkombëtare, transmeton albinfo.ch.