Lokalet tradicionale në fshatrat e Zvicrës po zhduken për t’i lënë vendin banesave

Foto: Wikipedia

Në shumë zona rurale të Zvicrës, lokalet tradicionale po mbyllen dhe ndërtesat e tyre po shndërrohen në apartamente. Shembulli i fundit është “Löwen” në Windisch, Aargau, i cili do të shembet në fund të vitit.

Pronarja Anita Graf, 73 vjeçe, e ka drejtuar lokalin për 13 vite dhe thotë se ndarja me klientët e saj është e dhimbshme. Shumë tavolina të rregullta në komunitetet përreth janë zhdukur tashmë, ndërsa “Löwen” ka mbetur si një nga vendet e fundit të takimit, transmeton albinfo.ch.

Sipas Bruno Lustenberger nga Shoqata e Restoranteve të Aargaut, ky është një trend në rritje: ndërtimi i banesave është më fitimprurës se mbajtja e lokaleve, ndërsa sjellja e klientëve ka ndryshuar. Dikur punëtorët ndaleshin pas pune për një birrë, sot njerëzit dalin më rrallë dhe për periudha më të shkurtra.

Megjithatë, Graf mendon të mbajë gjallë frymën e tavolinës së rregullt duke ngritur një tendë në kopshtin e saj në pranverë 2026, një mënyrë e thjeshtë për të ruajtur lidhjet shoqërore të dikurshme.