Lajme

BE-ja miraton ilaçin Kisunla për trajtimin e fazave të hershme të Alzheimerit

E diel, 28 Shtator 2025 - 19:00 albinfo.ch

Komisioni Evropian ka dhënë autorizimin për treg në Bashkimin Evropian për ilaçin Kisunla, i cili përdoret në trajtimin e çrregullimeve të lehta njohëse dhe demencës së lehtë në fazat e hershme të sëmundjes së Alzheimerit.

Kisunla mund të ndihmojë në ngadalësimin e përparimit të problemeve njohëse dhe funksionale te disa pacientë, raportoi të dielën “EUNews”.

Vendimi për autorizim bazohet në vlerësimin shkencor pozitiv nga Agjencia Evropiane e Barnave, e cila ka konstastuar se përfitimet e ilaçit i tejkalojnë rreziqet për një grup të caktuar pacientësh në fazën e hershme të sëmundjes.

Përdorimi i Kisunlës është i kufizuar dhe lejohet vetëm për pacientë me predispozitë të veçantë gjenetike, përcjell albinfo.ch.

Janë përcaktuar gjithashtu masa të qarta për menaxhimin e rrezikut, përfshirë kërkesa për monitorim dhe etiketim të posaçëm.