Shkolla Shqipe në Bavari hap dyert për vitin shkollor 2025/2026

Më 22 shtator 2025, Shkolla Shqipe në Bavari nisi zyrtarisht mësimin plotësues për vitin shkollor 2025/2026, duke mirëpritur nxënës të rinj dhe ata të rikthyer, në një përpjekje të përbashkët për të ruajtur dhe forcuar gjuhën, kulturën dhe identitetin shqiptar në diasporë, transmeton albinfo.de.

Ky program mësimor synon t’u ofrojë fëmijëve shqiptarë që jetojnë në Gjermani mundësinë të mësojnë gjuhën shqipe, të lidhen me rrënjët e tyre kulturore, dhe të ndihen krenarë për prejardhjen e tyre.

“Le t’u japim fëmijëve mundësinë të flasin, të shkruajnë dhe të ndihen krenarë për rrënjët e tyre shqiptare.”

Me një staf të përkushtuar dhe një atmosferë gjithëpërfshirëse, Shkolla Shqipe në Bavari nuk është vetëm një vend mësimi, por edhe një hapësirë për bashkëpunim ndërprindëror, shkëmbim kulturor dhe formim të identitetit kombëtar në një mjedis ndërkombëtar.

Regjistrimet për nxënës të rinj janë ende të hapura
Prindërit të interesuar mund të kontaktojnë për informacione të mëtejshme mbi oraret, lokacionet dhe dokumentacionin e nevojshëm.