Akuzohet shqiptari për tentativë vrasjeje të klientit të tij të drogës

Gjatë tentativës për vrasje, ai dyshohet se e ka therur dhe plagosur në shpinë klientin të cilin e kishte kërcënuar për mbledhjen e borxheve të drogës

Një 58-vjeçar shqiptar i akuzuar për trafik kokaine në zonën e Singen midis tetorit 2024 dhe prillit 2025, do të përballet me gjyqin, ka njoftuar Gjykata e Landit, në Konstancë, të premten.

I pandehuri akuzohet gjithashtu për mbledhjen e borxheve të drogës nga një prej klientëve të tij përmes kërcënimeve me vdekje, transmeton albinfo.ch
Gjatë tentativës për vrasje që pasoi, ai dyshohet se e ka therur dhe plagosur klientin në shpinë.

Gjatë një kontrolli në apartamentin e tij në prill 2025, u sekuestruan pothuajse gjysmë kilogrami kokainë, para droge dhe thika të ndryshme, shkruan agjencia e lajmeve dts.

 

---