Komisioni Evropian dorëzon sot Raportin për Kosovën 2025

Autoritetet e Kosovës do ta pranojnë sot Raportin për Vendin 2025 nga Komisioni Evropian

Kryeministri në detyrë, Albin Kurti, do ta marrë raportin në orën 17:45 nga shefi i Zyrës së BE-së në Kosovë, Aivo Orav, pas së cilës do të mbahet një konferencë e përbashkët për media, përcjell albinfo.ch.

Sipas draftit të raportit që ka siguruar “Koha”, Kosova vlerësohet me “progres të kufizuar” në shumicën e kapitujve, ndërsa në disa fusha thuhet se “nuk ka pasur progres”.

BE-ja kritikon veçanërisht gjendjen në fushën e lirisë së shprehjes dhe veprimet e autoriteteve në veri të vendit, të cilat cilësohen si në kundërshtim me obligimet ndaj Bashkimit Evropian dhe procesin e normalizimit të marrëdhënieve me Serbinë.

---