Presidenti francez kërcënon Kinën me tarifa

Keystone (Mohammed Badra, Pool via AP)

Presidenti i Francës, Emmanuel Macron e ka kërcënuar Kinën me tarifa nëse vendi nuk ndërmerr hapa për të zvogëluar suficitin e saj masiv tregtar me Bashkimin Evropian.

“U thashë atyre se nëse nuk reagojnë, ne evropianët do të detyrohemi të marrim masa të forta në muajt në vijim. Masa të tilla mund të modelohen sipas hapave të ndërmarrë nga SHBA, siç janë për shembull tarifat mbi produktet kineze”, deklaroi ai.

Sipas Les Echos, deficiti tregtar i BE-së me Kinën tejkaloi 300 miliardë euro në vitin 2024.

Macron, presidenti i vendit me ekonominë e dytë më të madhe të BE-së pas Gjermanisë, pranoi se ishte një sfidë të arrihej konsensus mbi çështjen e tarifave të Kinës në të gjithë bllokun, transmeton albinfo.ch.

Ndryshe, gjatë vizitës së tij në Kinë, ai deklaroi se BE-ja duhej të pranonte më shumë investime të drejtpërdrejta kineze si pjesë e përpjekjeve për të ulur deficitin tregtar.

“Nuk mund të importojmë gjithmonë, kompanitë kineze duhet të vijnë në Evropë”, tha ai.