Ceremonia e Çmimeve AWL 2025 mbyll me sukses edicionin e gjashtë në Prishtinë

Ceremonia e AWL 2025 sjell emocion, art dhe frymëzim në Kino ARMATA

Edicioni i gjashtë i Art Without Limit International Film Festival është përmbyllur me një ceremoni festive në Kino ARMATA në Prishtinë, në nder të 3 Dhjetorit, Ditës Ndërkombëtare të Personave me Aftësi të Kufizuara, transmeton albinfo.ch.

Mbrëmja solli atmosferë të ngrohtë, përplot emocion, art dhe frymëzim nga pjesëmarrës vendas dhe ndërkombëtarë.

Programi u hap me një performancë nga Kori i Fëmijëve “Okarina”, nën dirigjimin e profesoreshës Elikona Hysaj Shala, duke sjellë energji pozitive dhe entuziazëm në sallë. Po ashtu u shfaq premiera e filmit “Sara”, një histori që trajton fuqinë e karakterit dhe kapërcimin e kufizimeve.

Ceremonia e ndarjes së çmimeve

Pika kulmore e mbrëmjes ishte shpallja e fituesve të AWL 2025. Çmimet u ndanë nga personalitete të rëndësishme diplomatike:

Ambasadori i Zvicrës, Jürg Sprecher

Ambasadori i Belgjikës, Grégoire Cuvelier

Ambasadori i Austrisë, Georg Schnetzer

Përfaqësuesja e Ambasadës së Holandës, Julia Rujiter

Përfaqësuesja e Ambasadës së Italisë, Kiara Castaldo

Në ceremoni ishin të pranishëm edhe Ambasadori i Malit të Zi, Bernard Cobaj, përfaqësues të Qeverisë së Kosovës, ministra, diplomatë dhe figura të njohura nga fusha e artit, aktivizmit dhe shoqërisë civile. Regjisorët pjesëmarrës nga vende të ndryshme të botës pranuan trofetë me emocion dhe krenari.

Fituesit e AWL 2025

Best Documentary: Actually, I Didn’t Want to Stay Long – Gjermani

Best Fiction: Beyond Silence – Holandë

Best Animation: Ghariba & Ajeeb – Algjeri

Best Story About Rights of Persons with Disabilities: Nina – Itali

Best Women Empowerment: Aufstehen – Austri

Art Without Limit Kids Award: Special Will – SHBA

AWL International Film Festival Award: Steps We Share – Shqipëri

Special Mention: Cypres Blue – Zvicër

Juria profesionale

Vlerësimi i filmave u drejtua nga emra të njohur ndërkombëtarë dhe vendorë:

Juria kryesore

Kim Magnusson – producent danez, katër herë fitues i çmimit OSCAR

Rebeka Pruzan – producente ndërkombëtare, e nominuar për OSCAR

Igballe Qena – aktore e mirënjohur nga Kosova

Juria e të drejtave të njeriut (Human Rights 2025)

Faridah Nabaggala – Drejtoreshë e Albloom Film Festival, Norvegji

Islam Alilaj – deputet dhe aktivist nga Zvicra

Mikias Mulageta – drejtor i Focus on Ability Festival–Africa

Juria Art Without Limit Kids 2025
Përbëhej nga fëmijë me aftësi ndryshe: Bekim Isufi, Lina Hasolli, Mal Isufi, Sumea Haziri.

Vlerësimi për fuqizimin e gruas

Çmimi për fuqizimin e gruas u nda nga nënat e fëmijëve me autizëm nga organizata “Lobimi për Autizëm”, ndër to Arta Bajrami, Valbona Thçi Shala dhe shumë nëna të tjera, duke nderuar rolin dhe forcën e tyre të jashtëzakonshme.

Udhëheqja e mbrëmjes

Ceremoninë e moderuar nga Helena Halilaj u vlerësua për profesionalizmin dhe emocionin që ajo solli përgjatë gjithë mbrëmjes, duke e bërë eventin edhe më të paharrueshëm.

---