Lajme
ISIS ngre në Gornja Maoca bazën e parë terroriste në Evropë
Në fshatin boshnjak që ndodhet në Bosnjën Veriore, organizata terroriste ISIS po ngre një kështjellë brenda kontinentit evropian. Terroristët ilegalisht po blejnë prona në këtë fshat të izoluar, ndërsa shërbimet e sigurimit të shtetit të Bosnje – Hercegovinës mendojnë se kjo zonë është duke u përdorur për ngritjen e kampeve të trajnimit, shkruan në numrin e saj të fundit gazeta prestigjioze “Sunday Mirror” .
Edhe vet vendndodhja e fshatit ka një pozicion strategjik për shkak të afërsisë me Detin Mesdhe, i cili është përdorur nga ekstremistët edhe në rastin e Sirisë, Irakut dhe Afrikës së Veriut. Të paktën 12 luftëtarë të ISIS-it të trajnuar në këtë fshat janë larguar për në Siri gjatë muajve të fundit dhe pesë të tjerë janë raportuar të kenë të vdekur, shkruan më tej kjo gazetë.
Eksperti i për çështje të terrorizmit, Xhevat Galijaseviç, i ak thënë kësaj gazete se nga ky fshat një numër i madh i njerëzve tashmë ndodhen në Siri duke luftuar dhe këtë gjë po vazhdojnë ta bëjnë ende. “Këtu nuk ka asnjë njeri që nuk është i gatshëm për t’iu përgjigjur thirrjes për xhihad”, ka thënë Galijaseviç.
Harun Mehicevic është në mesin e radikalëve të shumtë që blenë tokë në këtë zonë. Ai ka blerë dy hektarë. Mehicevic ka ikur nga Bosnja gjatë viteve 1990 dhe ishte vendosur në Melburn të Australisë, ku nisi të predikonte islamin radikal dhe tani atje konsiderohet një nga njerëzit më të rrezikshëm. Në njërën nga ligjëratat për rekrutët e tij, ai kishte thënë: “Allahu do t’i ndihmojë muxhahidinët ta krijojnë një shtet islamik ku myslimanët mund të jetojnë me dinjitet dhe nder”.
Radikalë të tjerë islamikë besohet se kanë blerë prona në fshatin Gornja Maoca. Në mesin e tyre janë edhe Jasin Rizviq dhe Osman Kekiç, të cilët tani po luftojnë përkrah ISIS-it në Siri.
Një fshatar i zonës, i cili dëshiron të mbetet anonim, ka deklaruar për “Sunday Mirror” se banorët e zonës rregullisht dëgjojmë të shtëna armësh që vijnë nga pyjet. Kjo ndodh çdo javë. Unë nuk e di se çfarë janë duke bërë Ne të gjithë kemi frikë”.
Më tutje gazeta citon banorë lokalë që shqetësohen për perspektivën e tyre në këtë regjion. “Ne po i rrisim fëmijët tanë këtu prandaj kemi frikë”, ka thënë një fshatar që nuk ka guxuar ta tregojë emrin. Ai ka thënë se do të shpërnguleshin me dëshirë nga ky vend por askush nuk ka interesim për të blerë pasuritë e tyre.
Pesë muaj më parë, njësi policore antiterroriste rrethuan dhe më pas bastisën fshatin Gornja Maoca pas njoftimeve se nëpër shtëpi ishin vendosur flamuj të ISIS, me ç’rast ishin arrestuar disa persona.
Në një raport mbi xhihadin në Bosnje thuhet se kthimi i luftëtarëve të huaj nga Siria dhe Iraku, është sfida më e rrezikshme që mund ta destabilizojë këtë vend edhe ashtu me probleme të shumta në fushë të sigurisë.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
OECD: Aktiviteti i ngadaltë ekonomik ngadalëson rritjen në Zvicër Aktiviteti i ngadaltë ekonomik po rëndon rritjen, me Produktin e Brendshëm Bruto (PBB) të Zvicrës që...
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit
-
Fillon Programi kundër ngacmimit në Gjenevë