Në Shkup rrahet brutalisht gazetari kritik ndaj Gruevskit

Gazetari ka pësuar lëndime të rënda nga ky sulm, pasi që me shufra hekuri ia kanë thyer krahun, hundën dhe e kanë përgjakur në tërë trupin

Nga disa presona të maskuar është rrahur brutalisht zazetari dhe pronari i portalit Dokaz.mk në Maqedoni, Marjan Stamenkovski, raporton zhurnal.mk. Sipas këtij informacioni gazetari ka pësuar lëndime të rënda nga ky sulm, pasi që me shufra hekuri ia kanë thyer krahun, hundën dhe e kanë përgjakur në tërë trupin.

Mediat maqedonase raportojnë se gazetari Stamenkovski, përmes portalit të tij Dokaz.mk, ak qenë shumë kritikë ndaj qeverisjes së kryeministrit maqedonas Nikolla Gruevski.

Pas incidentit gazetari i sulmuar ka thënë se sulmi ndaj është xhiruar nga kamerat e sigurisë në Shkup në hyrje të shtëpisë së tij.

“Nga xhirimet shihet mirë kush janë sulmuesit, të gjithë janë të afërt me pushtetin dhe kanë dosje kriminele”, ka deklaruar Stamenkovski.

Ndryshe, liria e medieve në Maqedoni po shënon momentet më kritike në historinë e vendit ku gazetarëve kritikë të pushtetit në çdo moment mund t’iu rrezikohet jeta