Maqedonia

Spiropali: Gjuha shqipe, gjuhë zyrtare në Maqedoninë e Veriut, të respektohet në ligj dhe në praktikë

E mërkurë, 24 Dhjetor 2025 - 14:30 albinfo.ch
Foto FB: Elisa Spiropali

Ministrja për Evropën dhe Punët e Jashtme në Shqipëri, Elisa Spiropali, gjatë qëndrimit të saj në Maqedoninë e Veriut, ka viziutar Institutin e Trashëgimisë Shpirtërore dhe Kulturore të Shqiptarëve në Shkup.

Nga atje, ajo deklaroi se puna e Institutit është një pikë referimi jo vetëm për shqiptarët në Maqedoninë e Veriut, por për gjithë hapësirën mbarëshqiptare, veçanërisht në studimet mbi gjuhën shqipe, trashëgiminë kulturore dhe kujtesën historike.

Ajo deklaroi se gjuha shqipe është gjuhë zyrtare në Maqedoninë e Veriut dhe duhet mbrojtur e kultivuar.

“Në këtë qytet ku historia shqiptare ka lënë gjurmë të thella, nga Shën Tereza te Pjetër Bogdani, nga Hasan Prishtina e shumë figura të tjera, gjejmë themelet mbi të cilat është ndërtuar identiteti, dinjiteti dhe vizioni ynë si komb… Gjuha shqipe është gjuhë zyrtare në Maqedoninë e Veriut dhe duhet mbrojtur e kultivuar.
Të respektohet në ligj dhe në praktikë, të mësohet me dashuri brez pas brezi, si pasuri e përbashkët e mozaikut multietnik. Ajo na bashkon si zë historie dhe rrënjë identiteti. Në çdo shkronjë mban kujtesë, dritë dhe sakrificë që ende jeton”, ka shkruar ajo, transmeton albinfo.ch.

 Të tjera nga Maqedonia

Shqiptarët dhe rreziku i rikthimit të politikave monoetnike në Maqedoninë e Veriut

 E-Diaspora

 Jeta në Zvicër