Mërgimtarja ofron 14 dhoma dhe ushqim për familjet në nevojë pas vërshimeve

Solidaritet në kohë krize: Ofron strehim dhe ushqim falas për të prekurit nga vërshimet

Një mërgimtare nga Kaçaniku ka ndërmarrë një nismë humanitare, duke ofruar 14 dhoma pa pagesë, së bashku me ushqim, për personat dhe familjet në nevojë që janë prekur nga vërshimet e ditëve të fundit në Kosovë dhe Shqipëri, përcjell albinfo.ch.

Ajo ka bërë të ditur se kjo ndihmë vjen në një moment të vështirë, kur situata po rëndohet si pasojë e reshjeve të vazhdueshme të shiut dhe përmbytjeve që kanë lënë shumë familje pa strehë.

“Në këto momente të vështira, ku gjendja po përkeqësohet për shkak të shirave për persona dhe familje në Kosovë dhe Shqipëri, ofroj ndihmë për strehim”, ka deklaruar ajo.

Sipas njoftimit, lokacioni i akomodimit ndodhet në magjistralen Kaçanik–Ferizaj, tek Pompa Bujari (Fenixs).

Të gjithë ata që kanë nevojë për strehim mund të lajmërohen në numrin e telefonit:

📞 045 646 167

Kjo iniciativë vlerësohet si një gjest solidariteti dhe humanizmi në kohë krize, duke dëshmuar edhe një herë gatishmërinë e mërgatës për të ndihmuar vendlindjen.

---