Një tifoz futbolli bie nga tribunat e stadiumit në Sion dhe vdes

Aksidenti ndodhi të mërkurën e kaluar në mbrëmje gjatë ndeshjes së Super Ligës midis FC Sion dhe FC Winterthur

Një tifoz futbolli 36-vjeçar ka vdekur pasi k rënë nga tribunat në Stade de Tourbillon në Sion. Aksidenti ndodhi të mërkurën e kaluar në mbrëmje gjatë ndeshjes së Super Ligës midis FC Sion dhe FC Winterthur, transmeton albinfo.ch.

I përmenduri ra nga shkallët perëndimore të tribunës veriore për arsye që janë ende të paqarta, njoftuan të hënën prokuroria publike e Valisit dhe policia kantonale. Shërbimet e emergjencës i dhanë ndihmën e parë burrit.

Ai u dërgua më pas me ambulancë në spitalin në Sion, ku ndërroi jetë nga plagët e marra të premten, shkruan sda.ch.

Zyra e prokurorit publik ka hapur një hetim për të sqaruar rrethanat e sakta të aksidentit.

Sipas hetimeve fillestare, përfshirja e palës së tretë mund të përjashtohet.

---