Ku mund të mbushni më lirë veturën me karburant në Zvicër?

Analiza e “TCS Petrol Price Radar” tregon se çmimet e karburantit nuk janë të njëjta kudo. Shpesh është më lirë në stacionet e vogla në zonat rurale.

Karburanti më i lirë

Ata që mbushën me benzinë pa plumb 95 e gjetën më lirë vitin e kaluar në stacionin Neubrück Café-Bar në Brügg (BE), me çmim mesatar 1.52 franga për litër. Stacioni i dytë më i lirë ishte Voegtlin-Meyer AG në Matzendorf (SO), me 1.53 franga për litër. Benzinë e lirë gjetëm edhe në “Freie Tankstelle” në Langenthal (BE) dhe në Marché Brügg.

Karburanti më i shtrenjtë

Në anën tjetër, stacioni në parkun Talgarten në qytetin e Zyrihut shiti benzinë pa plumb 95 me një mesatare prej 2.37 frangash për litër vitin e kaluar. Çmime të ngjashme gjendeshin edhe në stacionin BP pranë autostradës në Coldrerio (TI).

Benzina pa plumb 98 dhe dizeli

Benzinë pa plumb 98 më e lirë u gjet në kantonin Ticino, në Collina d’Oro pranë Luganos, me 1.36 franga për litër.

Dizeli më i lirë ishte në MP Biodiesel në Domdidier (FR), 1.59 franga për litër. Ndërsa dizeli më i shtrenjtë ishte në Eni Piotta (TI), 2.46 franga për litër.

Diferencat rajonale

Çmimet ndryshojnë dukshëm sipas kantoneve dhe stacioneve. Në përgjithësi, karburanti është më i shtrenjtë përgjatë autostradave dhe më i lirë në zonat periferike. Diesel dhe benzinë 95 pa plumb janë më të lira në kantonin Basel-Landschaft, ndërsa benzinë 98 më e lirë gjendet në kantonin Jura. Çmimet më të larta shihen në kantonet Uri (benzinë 95 dhe dizel) dhe Gjenevë (benzinë 98).

Radar i çmimeve TCS

Falë përditësimeve nga komuniteti, drejtuesit mund të shohin çmimet e karburantit në kohë reale. Në 2025, rreth 3,800 stacione karburanti në Zvicër u përditësuan më shumë se një herë. Radar i çmimeve të TCS mbetet një udhëzues i vlefshëm për drejtuesit edhe në 2026, megjithëse çmimet mund të ndryshojnë shpejt.