Aksident i rëndë në Prishtinë, një i lënduar dhe tetë automjete të dëmtuara

Humb kontrollin e veturës në Prishtinë, shkakton dëme në disa automjete të parkuara

Një person ka mbetur i lënduar si pasojë e një aksidenti trafiku që ka ndodhur pak para mesnatës në rrugën “Jusuf Gërvalla” në Prishtinë, përcjell albinfo.ch.

Rastin e ka konfirmuar zëdhënësja e Policisë për rajonin e Prishtinës, Flora Ahmeti. Sipas saj, një automjet ka humbur kontrollin gjatë lëvizjes dhe është përplasur me barrierat mbrojtëse të rrugës.

Si pasojë e aksidentit, përveç dëmtimeve në automjetin e përfshirë, janë dëmtuar edhe tetë vetura të tjera që ishin të parkuara pranë një qendre tregtare në lagjen Kalabria.

Policia ka bërë të ditur se njësitet përkatëse të trafikut rajonal janë duke u marrë me hetimin e rrethanave të aksidentit.

---