Konsullata e Kosovës në Cyrih merr pjesë në koncertin festiv të Ansamblit “Vatra” në Bülach

Konsullata e Republikës së Kosovës në Cyrih mori pjesë në koncertin festiv të organizuar me rastin e Festës së Pavarësisë së Kosovës nga Ansambli “Vatra” në qytetin e Bülach.

Aktiviteti u karakterizua nga një program i pasur artistik me këngë dhe valle tradicionale shqiptare, duke krijuar një atmosferë festive për bashkatdhetarët në mërgatë. Përmes këtij organizimi u promovua kultura dhe trashëgimia shqiptare, si dhe u përforcua ndjenja e unitetit dhe krenarisë kombëtare.

Pjesëmarrja e Konsullatës në këtë aktivitet vlerësohet si mbështetje për iniciativat kulturore të komunitetit shqiptar në Zvicër dhe si dëshmi e angazhimit institucional në ruajtjen dhe promovimin e identitetit kombëtar jashtë atdheut.