Lajme
Tragjedi tjetër në Mesdhe, 40 emigrantë të vdekur
Rreth 40 refugjatë kanë vdekur në një anije peshkimi në ujërat e Mesdheut në përpjekje për të ardhur në Itali
Ujërat e Detit Mesdhe janë shndërruar një varrezë të pafund për refugjatët aziatikë dhe afrikanë, të cilët në përpjekje për një jetë më të mirë po e gjejnë vdekjen. Raportohet se vetëm brenda 24 orëve, rreth 40 refugjatë kanë vdekur në një anije peshkimi në ujërat e Mesdheut në përpjekje për të ardhur në Itali.
Sipas informatave të para, viktimat dyshohet se kanë vdekur nga asfiksia, në hambarin e një anijeje peshkimi, ku ishin bllokuar në përpjekjen e tyre për ta kaluar në Evropë..
Viktimat, sipas të gjitha gjasave, kanë vdekur nga tymi i liruar nga djegia e karburantit, ndërkohë që është vërejtur një vrimë e madhe, nga e cila është mbushur me ujë hambari i anijes, ka treguar kapiteni i anije shpëtimi Italiane.
Kjo anije u ka dalë në ndihmë personave që gjendeshin në anijen që kishte nisur të fundosej.
Komandanti Massimo Tozzi ka theksuar se anëtarët e ekuipazhit të tij kanë gjetur trupat e viktimave “të mbytur në ujë, karburant e jashtëqitje njerëzore në hambar”.
Admirali Pierpaolo Libuffo, shef i operacioneve të shpëtimit të marinës italiane, ka njoftuar në televizionin italian se 312 të mbijetuar, në mesin e tyre 45 gra e tre fëmijë, janë shpëtuar dhe janë në duar të sigurta.
Anija e peshkimit është vërejtur rreth orës 7:00 nga një helikopter i Marinës nja 21 milje në veri të brigjeve libiane, në jug të ishullit italian Lampedusa.
Trupat e shtatë imigrantëve janë transferuar në anijet e shpëtimit dhe nja tridhjetë të tjerë gjenden akoma në hambar, ka shtuar ai. Anija e peshkimit është rimorkuar në drejtim të ishullit Lampedusa, raportojnë mediat shqitare.
Imigrantët, të cilët kanë mbërritur në Itali, kanë treguar se trafikantët që veprojnë në Libi kërkonin ndërmjet 1.200 dhe 1.800 dollarë për person për një vend në pjesën e hapur të anijes. Çmimi është përgjysmë për ata që pranojnë të udhëtojnë duke u futur në hambar.
Të ngujuar në një hapësirë tejet të mbyllur, këta imigrantë klandestinë, rrezikojnë shumë të vdesin qoftë nga asfiksia, qoftë të mbyten nëse anija rrjedh ujë.
E-Diaspora
-
Itali
Arrestohet shqiptari në Itali, kishte mbi 1 kg kokainë në makinë Raportohet se një 38-vjeçar me origjinë shqiptare është arrestuar nga agjentë të policisë së Reggio Emilia...
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
Jeta në Zvicër
-
Kjo linjë ajrore në Zvicër nis destinacione të reja për distanca të gjata Më 7 maj, linja ajrore kombëtare e Zvicrës do të inaugurojë shërbimin e saj të parë...
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
-
Bashkëpunimi Zvicër-Kosovë, diskutojnë Rafuna e Fetahi
-
Pritet trafik i rënduar gjatë majit në Zvicër