Kosova pranohet në Federatën Botërore të Atletikës

Shoqata Botërore e Federatave të Atletikës (IAAF) e ka pranuar Kosovën si shtet me anëtarësi të plotë në këtë asociacion.

Vendimi u mor të mërkurën në Kongresin e IAAF-së në Pekin, percjell albinfo.ch.

Me këtë vendim u bë e mundur që edhe atletët kosovarë të marrin pjesë në kampionatin botëror që do të mbahet më 22 deri më 30 gusht.

Me Kosovën në këtë shoqatë është anëtarësuar edhe Sudani Jugor.

Kosova tashmë është anëtari më i ri dhe i 214-t i Federatës Botërore të Atletikës, ndërsa nga 211 vende anëtare, pro votuan 187 dhe kundër vetëm 13.