Filmi “La Beauté de l’Âne” shfaqet në Bernë në kuadër të javës së Frankofonisë

Mbrëmje filmi në Bernë: Kujtesë dhe rrëfim me “La Beauté de l’Âne”

Ambasada e Republikës së Kosovës në Bern organizon të hënën, më 30 mars 2026, në ora 18:00, shfaqjen e filmit “La Beauté de l’Âne” të regjisores Dea Gjinovci, në ambientet e Cineclub Quinnie, në Bern, shkruan albinfo.ch.

Ky aktivitet zhvillohet në kuadër të javës së gjuhës frënge dhe Frankofonisë. Të interesuarit mund të marrin pjesë duke filluar nga ora 17:00, ku do të ofrohet një aperitiv mirëseardhës.

Pas shfaqjes së filmit, do të zhvillohet një bisedë e shkurtër me protagonistin, Asllan Gjinovci, ndërsa moderimi do të bëhet nga Vjosa Gërvalla.

Programi i mbrëmjes:

• 17:00 – Pritja e mysafirëve me apero

• 18:00 – Fjala përshëndetëse nga ambasadori Mentor Latifi

• 18:05 – Shfaqja e filmit “La Beauté de l’Âne” (77 min)

• 19:20 – Bisedë: “Kujtesa, mërgimi dhe pesha e së vërtetës”

• 19:40 – Përfundimi i mbrëmjes

Rreth filmit “La Beauté de l’Âne” (Bukuria e gomarit):

Filmi sjell historinë e një vajze që rikthen babanë e saj në gjurmët e një atdheu të humbur dhe një të vërtete të fshehur për dekada. Në vitin 1968, një aktivist i ri kosovar detyrohet të marrë rrugën e mërgimit dhe për më shumë se pesë dekada jeton në Gjenevë, duke ruajtur kujtimet për vendlindjen e tij të shkatërruar gjatë luftës. Vajza e tij rikthehet bashkë me të për të rindërtuar kujtimet dhe për të zbardhur misteret e së kaluarës./Albinfo.ch 

Të interesuarit mund të regjistrohen për pjesëmarrje në këtë vegëz:

https://forms.gle/SEmxZuyRNNYYqBnz6

---