Ekstradohet nga Gjermania në Kosovë shtetasi i dyshuar për grabitje

Shtetasi kosovar S.N. është sjellë nga Gjermania në Kosovë pas një kërkese ndërkombëtare për dyshim për përfshirje në grabitje.

Policia e Kosovës njofton se i dyshuari ishte duke u kërkuar përmes INTERPOL-it, pasi i ishte shmangur drejtësisë.

“Drejtoria për Bashkëpunim Ndërkombëtar Policor, në koordinim me njësitet relevante të policisë dhe institucionet e drejtësisë, më 24 mars 2026 ka realizuar ekstradimin e shtetasit S.N. nga Gjermania në Kosovë,” thuhet në njoftimin zyrtar.

Sipas Policisë, ky veprim u bë i mundur falë bashkëpunimit të ngushtë mes institucioneve të Kosovës dhe atyre gjermane. Pas ardhjes në Kosovë, S.N. është dorëzuar njësive përkatëse në rajonin e Mitrovicës për të vazhduar me procedurat ligjore.