Në Mesdhe rojet bregdetare shpëtojnë edhe 1700 emigrantë

Foto Ilustrim

Derisa Evropa po ballafaqohet me numër rekord të imigrantëve derisa ata po largohen nga luftërat në vendet e Lindjes së Mesme, siç është Siria, nga ana tjetër marina italiane ka shpëtuar të shtunën gjithsej 5 anije me 1.700 emigrantë.

Në Detin Mesdhe rojet bregdetare kishin marrë thirrje për ndihmë nga dhjetëra anije, ka njoftuar një zëdhënës, raporton Reuters.

Ndërsa po vazhdojnë operacionet për shpëtimin e 17 anijeve të tjera, përcjell albinfo.ch.

Mesdheu është shndërruar në pikën kaluese më vdekjeprurëse në botë për imigrantët.

Sipas Organizatës Ndërkombëtare për Migrim, IOM më se 2.300 njerëz kanë humbur jetën këtë vit, në përpjekje për të arritur në Evropë me anije. ​