Lajme

Rexhep Rifati u shpall qytetar nderi i Horës së Arbëreshëve

Këtë nderim, ai e ka merituar me punën e përkushtuar që ka kryer prej shumë vitesh në afirmimin e kulturës dhe traditave të komuniteteve arbëreshe

E shtunë, 4 Prill 2026 - 22:22 albinfo.ch

Sot, në një ceremoni të organizuar veçanërisht për këtë dedikim, Komuna Hora e Arbëreshëve në Sicili të Italisë ka shpallur Qytetar Nderi Rexhep Rifatin, gazetar i njohur me qëndrim në Zvicër.

Shhpalljen solemne të tij e ka bërë kryetari i Komunës, Rosario Petta.

“Me propozim të kryetarit të bashkisë, Presidentit të shoqatës Mondo Albanese Giuseppe Schirò Di Maggio dhe Presidentit të Proloco Piana, Këshilli Bashkiak e votoi njëzëri një nder të tillë.

“Shpallja Qytetar Nderi buron nga mirënjohja e thellë për punën e tij të palodhshme të përhapjes së komuniteteve arbëreshe në Itali. Përmes shkrimeve dhe botimeve të tij të çmuara, Prof. Rifati arriti të tregojë historinë e shqiptarëve në Evropë dhe botë, duke festuar rrënjët dhe identitetin tonë me ndjeshmëri dhe mjeshtëri”, thuhet veç tjerash në arsyetimin me shkrim të kryebashkiakut Petta për nderimin e z. Rifati ng komuna që drejton ai.

Këtë nderim, Rifati e ka merituar me punën e përkushtuar që ka kryer prej shumë vitesh në afirmimin e komuniteteve arbëreshe në mediat në gjuhën shqipe dhe në librat e tij me këtë temë.

Rexhep Rifati k qenë po ashtu njëri ndër bartësit kryesorë të nismës për ngritjen e shtatores së Skënderbeut, në Horën e arbëreshëve, një eveniment që u realizua në vitin 2024.

Rifati ka tashmë një përvojë prej më shumë se 60 vitesh si gazetar, i angazhuar për më se 30 vite në gazetën Rilindja të Prishtinës ndërsa këto tridhjetë vitet tjera, në mediat në gjuhën shqipe, në Zvicër.

Lexoni po ashtu:

Presidentja Osmani i ndan mirënjohje gazetarit veteran, Rexhep Rifati

 Të tjera nga Lajme

MPJD u bën thirrje qytetarëve të shmangin kalimin përmes Serbisë

 E-Diaspora

 Jeta në Zvicër