Kryeministri i Kosovës bën thirrje që paga e 13-të të ndahet edhe në sektorin privat

Kryeministri në detyrë i Kosovës, Albin Kurti ka deklaruar se në vend mungesa kryesore është ajo e organizimit sindikal në sektorin privat.

“Për të drejtat e punëtorëve në Republikën e Kosovës, mungesa kryesore është ajo e organizimit sindikal në sektorin privat. Këtu duhet të angazhohet e gjithë shoqëria jonë për një nivel të ri të statusit dhe gjendjes së punëtorëve te ne”, ka shkruar Kurti në Facebook, transmeton albinfo.ch.

Kurti ka bërë thirrje që paga e 13-të të ndahet edhe në sektorin publik.

“Vendosëm pagën e 13-të për punëtorët e sektorit publik. Për herë të parë pas shpalljes së pavarësisë së Kosovës, shteti njohu në mënyrë konkrete kontributin e vazhdueshëm të punonjësve të tij. I bëmë e vazhdojmë t’i bëjmë thirrje edhe sektorit privat të ndjekë këtë shembull, sepse kompensimi i drejtë dhe përkujdesja e shtuar për punëtorët nuk duhet të jetë privilegj vetëm i sektorit publik”, ka shkruar ai.