“Liriku”, reperi shqiptar që po pushton skenën zvicerane

Ai ka tejkaluar skenën e Aargaut dhe është bërë i njohur ehde në nivel vendi

“Saherë që isha i pikëlluar, ishte arti ai që më këndellte. Si fëmijë kam vizatuar shumë e tash merrem me muzikë”. Reperi me rrënjë shqiptare, Liriku nga Aarau, tekstin e tij të parë e kishte shkruar që në vitin 2006. Por ai u prezantua para publikut vetëm gjashtë vite më pas, shkruan aargauer zeitung.

Pasi që në dimrin e vitit 2013 ai publikoi albumin e tij gratis “Akzentfrei”, reperi deri atëherë i panjohur amator u bë befasisht një emër i madh në skenën e rapit, transmeton albinfo.ch.

Ai ka tejkaluar skenën e Aargaut dhe është bërë i njohur ehde në nivel vendi

“Kam marrë urime nga reperë të panumërt”, thotë Liriku.

Pasuan prezantime të shumta në gjithë Zvicrën ndërsa në nëntorin e kaluar ai nisi projektin më të ri, të shtrenjtë, të financuar me mjetet e  veta. Fillimisht ai pati mbështetjen e prindërve.

“Familjarët e mi që nga fillimi janë plotësisht në mbështetjen time. Ata e dëgjojnë secilën këngë timen dhe më japin mendimet e tyre”. Kështu, brenda gjysmë viti hapa pas hapi u ngrit në këmbë albumi “Chopfkino”. “Kush e blen albumin, e fiton edhe një biletë për kinemanë time personale”, thotë Liriku për gazetën zvicerane.

Shumica e këngëve të albumit janë krijuar mbi përvojat personale dhe dëshirat e tij. Vetëm disa prej tyre janë të sajuara.

“Nuk mund të qëndroj vetëm në një plan. Unë nuk mund të shkruaj gjithmonë vetëm mbi temën e femrave” thotë ai.

Krahas Lirikut, në album janë të përfshirë edhe 12 mysafirë.