Më 19 shtator projekti “Baushtellë” përmbyllet në Cyrih

Gjatë gjithë kohës sa ka zgjatur ky projekt i zhvilluar në Cyrih, Prishtinë dhe Beograd, artistët janë ballafaquar me pyetjen "Në çfarë beso ti"

Projekti artistik  “Baushtellë: Balkantempel” i cili ka bërë bashkë artistë nga Kosova, Serbia dhe Zvicra, pas dhjetë javësh aktivitete në tri vendet respektive, kurorëzohet të shtunën, më 19 shtator në Cyrih, ku edhe ka filluar.

Gjatë gjithë kohës sa ka zgjatur ky projekt, artistët janë ballafaquar me pyetjen “Në çfarë beso ti”. albinfo.ch ka raportuar nga iniciimi i projektit në Cyrih, që daton nga fillimi i këtij viti. Aktiviteti përmbyllës me performancën e fundit mbahet në objektin e kishës së qytetit Framünster me fillim në orë 17 dhe përfundon në orë 23.

.Pas dhjetë javësh hulumtuese rreth pyetjes “Në çfarë beson ti?” që u zhvilluan në Cyrih, Beograd dhe Prishtinë si dhe dy javëve tjera përgatitore në Prishtinë, po në këtë qytet qe dhënë persormaca e parë nga gjithsej tri sosh.

Për gjashtë orë kampusi i Universitetit të Prishtinës më 5 shtator qe shndërruar në një shesh artesh. Një vend në të cilin 30 artistë para qyetarëve prishtinas i dhanë përgjigjet e tyre për pyetjen “Në çfarë beson ti?”. Më 12 shtator e njëjta gjë ka ndodhur edhe në Beograd, në Kalemegdan.

Rrethi mbyllet pra në Cyrih, vendin ku ka filluar  më 13 korrik, në kishën Fraumünster.

Nga Kosova në Cyrih krijimet e tyre i prezantojnë artistët: Edona Vatoci, Dardan Zhegrova, Brilant Pireva, Arbër Salihu, Tomor Kuçi dhe Dion Geci.
Disa nga sponzorët kryesorë zviceranë të projektit janë Qyteti i Cyrihut, Kantoni i Cyrihut, dhe fondacionet zvicerane si ‘Walter B. Kielholz Foundation,’ ‘Artlink-SudKulturFonds,’ ‘Migros Kultuprozent’. Ndërsa sponzorët nga Kosova, krahas Ambasadës Zvicerane në Prishtinë janë edhe Komuna e Prishtinës, Ministria e Arsimit, Shkencës dhe Teknologjisë, Ministria e Diasporës, Ministria e Kulturës, Rinisë dhe Sportit, Ministria e Integrimit Evropian, Ministria e Punëve të Jashtme dhe programi “Culture for all – Faza e III-të”, Birra Peja, Meridian Express, Trosha, etj.