Fotolajmi
Ajri i ndotur vret 3.3 milionë njerëz çdo vit
Një ekip i studiuesve ndërkombëtarë ka hedhur një lajm trishtues në botën e shkencës së mjedisit me një botim të thjeshtë në revistën “Nature”, njofton albinfo.ch. Associated Press, e cila tregon për studimin në fjalë, shpjegon se të dhënat e reja tregojnë se ajri që thithim vret 3.3 milionë njerëz çdo vit në mbarë botën. Ky fenomen pra vret më shumë njerëz se sa virusi HIV dhe malaria së bashku. 75% e të personave të vdekur kanë humbur jetën për shkak të ajrit të ndotur, i cili u ka provokuar sulm në zemër.
Kina është ajo që vuan më së shumë me 1.4 milionë vdekje në vit, e ndjekur nga India (645.000 veta) dhe Pakistani (110.000 veta). Por, në qoftë se në Azi është bërë shkak i këtij fenomeni urbanizimi i shpejtë dhe ngritja e “qyteteve të mëdha”, në vendet si Shtetet e Bashkuara shkaku qëndro te praktikat e tyre bujqësore. Faqja e internetit Mother Jones thekson se “amoniaku, i përdorur në plehra dhe mbeturinat e kafshëve, të kombinuara me produkte kimike të termocentraleve, si dhe ndotja e automjeteve, kanë krijuar një re ndotjeje në qytetet amerikane”. Këto emisione bujqësore, për të cilën shumë pak flitet, po bëhen gjithnjë e më të rëndësishme dhe ende askush nuk merret me to.
Premtime që nuk u besojnë ekspertët
Megalopolet amerikane si dhe kineze kanë shprehur gatishmërinë e tyre për të bërë përpjekje në zbritjen e emetimit të karbonit deri në vitin 2030. Për këto premtim shumë ekspertë janë skeptikë.
“Administrata e SHBA-së për informacione në lidhje me energjinë ka bërë të ditur se Kina ka përdorur më shumë qymyr se sa mendohej më parë”, theksohet nga Mother Jones. Sipas statistikave zyrtare kineze, konsumi i vendit mes viteve 2000 dhe 2013 ishte në fakt 14% më i lartë se ajo që kemi menduar më parë”.
Nëse është e vështirë të besohet se ndotësit më të mëdhenj në botë do të ngrenë përmasa reale parandaluese, urgjenca e situatës duhet të mos lë shumë hapësirë për hezitim, autorët e studimit vlerësojnë se në qoftë se situata nuk ndryshon, numri i vdekjeve për shkak të ndotjes së ajrit pritet të dyfishohet deri në vitin 2050, duke arritur numrin dramatik të 6.6 milionë vdekjeve.
Të tjera nga Fotolajmi
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
Fillon Programi kundër ngacmimit në Gjenevë Gjeneva do t’i detyrojë të gjithë ata që punojnë për kantonin dhe janë në kontakt me...
-
Sondazhi: Aeroplani, mënyra më popullore për të shkuar me pushime për zviceranët
-
Zyra e Raportimit të Pastrimit të Parave në Zvicër regjistron një numër rekord raportimesh
-
Linja ajrore SWISS rifillon fluturimet e saj drejt Iranit
-
Udhëtimi me tren nga Zvicra në këto qytete italiane do të ndërpritet për tre muaj