Zvicra përfitoi deri në 15 milionë dollarë nga kualifikimi në 1/8 e finales së Botërorit

Sipas raportimeve, Zvicra ka siguruar miliona nga FIFA për pjesëmarrjen dhe kalimin në fazën eliminatore

Kualifikimi i Zvicrës në fazën e 1/8 së finales të Kupës së Botës 2026 nuk është vetëm sukses sportiv, por edhe përfitim i rëndësishëm financiar për Federatën Zvicerane të Futbollit, transmeton albinfo.ch.

Sipas raportimeve, Zvicra ka siguruar miliona nga FIFA për pjesëmarrjen dhe kalimin në fazën eliminatore. FIFA ka rritur ndjeshëm fondin financiar për Botërorin 2026, ku vetëm për pagesat e bazuara në performancë janë ndarë 655 milionë dollarë për 48 kombëtaret pjesëmarrëse.

Çdo kombëtare pjesëmarrëse ka marrë pagesë për përgatitje dhe pjesëmarrje, ndërsa kalimi në fazat e ardhshme sjell shpërblime shtesë. Për ekipet që arrijnë në 1/8 e finales, shpërblimi shkon deri në rreth 15 milionë dollarë, ndërsa kampioni i botës përfiton 50 milionë dollarë.

Për Zvicrën, ky sukses do të thotë se Botërori tashmë pritet të dalë me bilanc pozitiv financiar, përveç rëndësisë sportive dhe prestigjit ndërkombëtar që sjell paraqitja në fazën eliminatore.

---