Integrimi
Gjermanët merren vesh për azilin dhe shpallin “të sigurt” Kosovën
Pas një zvarritjeje, qendra dhe landet janë pajtuar që vendet ballkanike si: Kosova, Shqipëria dhe Mali i Zi të shpalle “vende të sigurta të prejardhjes
Qeveria Federale e Gjermanisë dhe landet kanë arritur pajtimin për mënyrën e rregullimit të çështjes së përkujdesjes për azilkërkuesve nga aspekti financiar dhe për çështje tjera nga politika e azilit .
Veç tjerash, pas një zvarritjeje të gjatë, qendra dhe landet janë pajtuar që vendet ballkanike si: Kosova, Shqipëria dhe Mali i Zi të shpalle “vende të sigurta të prejardhjes. Ky problem ka qenë objekt debatesh e përplasjesh në mes të forcave që përbëjnë qeverinë e vendit (Unioni demokristian dhe SPD-ja). Përderisa CDU-ja prej kohësh kërkonte shpalljen e vendeve të përmendura si të sigurta, ishte( pjesërisht) SPD-ja bashkë me ë Gjelbrit dhe organizatat humanitare e nga shoqëria civile që kundërshtonin këtë. Duke bërë këtë shpallje, Gjermania ia lehtëson vetes punën me dëbimin e refugjatëve që vijnë nga këto vende.
Ndërkaq çështja kryesore rreth të cilës është arritur pajtimi sot në Berlin është ajo e trajtimit financiar të azilkërkuesve. Vet kancelaria Merkel ka kumtuar për mediet pas takimit se është vendosur që qeveria t`u paguajë landeve nga 670 euro për person në muaj për azilkërkuesit. Kaq para do të paguhen nga dita e parë e regjistrimit si azilkërkues e deri në përmbyllje të procedurës së azilit.
Veç kësaj, federata do të marrë pjesë në financimin e ndërtimit të banesave për përkujdesjen e azilkërkuesve të moshës së mitur.
Shuma e përgjithshme me të cilën qendra do të mbështesë landet dhe komunat pritet të jetë 3.5 miliardë euro. Kjo shumë del nga llogaritja e 800 mijë azilkërkuesve dhe procedurave të azilit që mesatarisht zgjasin pesë muaj.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Zvicër
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane
-
Në këtë kohë dhe vend priten kolona për festat publike në Zvicër
-
Vazhdon ulja e shkallës së papunësisë në Zvicër