Botërori 2026

Hapen hetimet për dyshime mbi manipulimin e ndeshjeve në Botërorin 2026

E enjte, 23 Korrik 2026 - 22:00 albinfo.ch

Autoritetet kanë nisur një proces verifikimi lidhur me dyshimet për mundësi trukimi të disa ndeshjeve gjatë Kupës së Botës 2026.

Sipas një raporti të Këshillit të Evropës, janë evidentuar disa raste të konsideruara të dyshimta, mes tyre edhe ndëshkimi me karton të kuq i Themba Zwanes në përballjen ndaj Meksikës.

Raporti gjithashtu përmend aktivitet të pazakontë në tregun e basteve sportive, me një vlerë që tejkalon 4.5 milionë dollarë.

Megjithatë, deri në këtë fazë nuk ka një konfirmim zyrtar se ndonjë ndeshje e turneut është manipuluar. Hetimet po vazhdojnë për të përcaktuar nëse ka pasur ndërhyrje apo shkelje të rregullave sportive.