Nobeli, te shkrimtarja bjelloruse Swetlana Aleksijewitsch

Shkrimtarja nga Bjellorusia, Swetlana Aleksijewitsch është fituese e çmimit Nobel të letërsisë për vitin 2015. Lajmin e ka bërë të njohur pak më parë Komiteti i çmimit Nobel në Stokholm.

Shkrimtarja e lindur në vitin 1948 në Bjellorusi është prej vitesh në rrethin e favoritëve për të fituar çmimin e madh letrar. Dorëzimi i çmimit bëhet më 10 dhjetor në Stokholm, ditën e vdekjes së themeluesit të fondit.

Aleksijewitsch njihet për veprën e saj të guximshme dhe të veçantë e me elemente disidentizmi. Ajo ka studiuar për gazetari në universitetin e Minsk-ut, Bjellorusi dhe është autore e një numri të madh veprash në prozë. Vepra e saj është përkthyer në 35 gjuhë.

Si kryevepër  e saj konsiderohet “Seconhand-Zeit” e botuar në vitin 2013.