Gjimshiti, premtime të mëdha para ndeshjes me Armeninë

Kombëtarja Kuq e Zi ka edhe pak shpresa për të realizuar ëndrrën e të gjithë shqiptarëve që të jenë pjesë e kampionatit evropian.

Edhe pse të zhgënjyer për pranimin e dy golave në minutat shtesë nga Serbia, lojtarët shqiptarë ende premtojnë se do të japin maksimumin për të dërguar Shqipërinë në “Francë 2016”, njofton albinfo.ch.

Një premtim të madh ka bërë edhe mbrojtësi i kombëtares dhe FC Zurichut, Berat Gjimshiti. Lojtari me prejardhje nga Lugina e Preshevës ka shkruar në rrjetin e tij social se lojtarët e Shqipërisë do të japin edhe frymën e fundit për të arritur fitoren në fushën e Armenisë:

“Të dielën kemi dy mundësi: O do të fitojmë, o do të vdesim në Armeni”, ka thënë ai, përcjell albinfo.ch.