Caritas alaramon për varfërinë në Zvicër

Rreth një e katërta e një milion prindërve me fëmijë janë të prekur nga varfëria në Zvicër.

KEYSTONE

Caritas në Zvicer bëri thirrje për më shumë angazhim të politikës.

Sot, vetëm disa nga kantonet kanë një politikë familjare me të cilën synohet të parandalohet apo të luftohet varfëria, paralajmëron drejtori i Caritasit, Hugo Fasel, shkruan SRF.

Prandaj, Caritas do të punojë për të siguruar që çështja e varfërisë të jetë në qendër të politikave sociale zvicerane, thotë Fasel përcjell albinfo.ch.

Sipas Caritasit në Zvicër çdo familje e dymbëdhjetë me tre ose më shumë fëmijë jeton në varfëri.