Shkalla e papunësisë 6%, më e ulëta në 24 vitet e fundit

Më pak se 2.7 milionë të papunë në Gjermani për herë të fundit kanë qenë të egjistruar në nëntor 1991. Aktualisht shkalla e papunësisë është 6.0 për qind

Shkalla e papunësisë e regjistruar në muajin tetor në Gjermani është më e ulëta në 24 vitet e fundit, pra për herë të parë pas vitit 1991, Gjermania ka më pak se 2.7 milionë të papunë.

Siç bën të ditur Agjencia Federale e Punës me seli në Nürnberg, në tetor në gjithë Gjermaninë kanë qenë të regjistruar si të papunë 2.649 milionë veta. Dhe kjo është për 59.000 më pak se në shtator ose për 83.000 më pak se para një viti.

Më pak se 2.7 milionë të papunë në Gjermani për herë të fundit kanë qenë të egjistruar në nëntor 1991.

Në gjendjen e tashme, shkalla e papunësisë në Gjermani është 6.0 për qind, pasi që gjatë tetorit ka pasur një rënie prej 0.2%. Zhvillimi pozitiv në tregun e punës po vazhdon , ka thënë shefi i Agjencisë Federale të Punës, Frank-Jürgen Weise, shkruan dpa.de. “Trendi i rritjes së numrit të të punësuarve po vazhdon i patheshëm”.

Meritat më të mëdha për rënien e papunësisë gjatë tetorit i ka fillimi i punës së shkollave dhe i vendeve për mësimin e zanateve si dhe i semestrit në universitete. Kjo bën që më pak të rinj të paraqiten si të papunë. Po ashtu edhe ndërmarrjet, pas kalimit të pauzës verore punësojnë më shumë punëtorë të rinj.