Turqia, vendi që ka strehuar më së shumti refugjatë

Turqia këtë vit ka tejkaluar Pakistanin me numrin e refugjatëve, duke pranuar 2.2 milionë sirianë dhe 200 mijë irakianë.

Që nga fillimi i krizës së refugjatëve nga lufta civile në Siri Turqisë i kanë kushtuar më shumë se tetë miliardë dollarë.

Rreth 260 mijë njerëz janë strehuar në kampe, ndërsa të tjerët janë vendosur në qytete në gjithë vendin.

Derisa në Turqi të dielën mbahen zgjedhjet parlamentare, kriza e refugjatëve ishte tema e debatit parazgjedhor.