Gjykata Federale vendos vetëm për rastet më të rënda

Ky ndryshim i karakterit të Gjykatës është propozuar nga Këshilli Federal i cili ka ka shpallur një draft për një ligj të ri mbi Gjykatën Federale

albinfo.ch

Gjykata Federale e Zvicrës si instanca më e lartë e gjyqësisë në vend nuk mund të “ofrojë shërbimet” e veta për secilin kontest. Ajo në të ardhmen duhet të merret vetëm me rastet e rënda dhe me rëndësi bazike si dhe do të lirohet nga rastet që nuk kanë ndonjë peshë të madhe.

Ky ndryshim i karakterit të Gjykatës është propozuar nga Këshilli Federal i cili ka ka shpallur një draft për një ligj të ri mbi Gjykatën Federale.

Si kompensim për ngushtimin në parim të fushëveprimit të gjykatës në fjalë, drafti parasheh zgjerimin e katalogut të përjashtimeve. Në to është e përcaktuar se çfarë rastesh nuk mund të atakohen në të ardhmen në Gjykatën Federale.

Ndër rastet e tilla me të cilat Gjykata Federale nuk do të merret janë për shembull gjobat më të ulëta se 5000 franga. Ndërsa po ashtu nuk mund të dërgohen në Gjykatën Federale kontestet që lidhen me natyralizimin (fitimin e shtetësisë) me kushte të lehtësuara.