Gjermania po bëhet gati për mbylljen e kufijve të Ballkanit

Qeveria gjermane është duke u përgatitur për mundësinë që vendet e Ballkanit së shpejti t’i mbyllin kufijtë e tyre, efekti do të ketë panik dhe kaos në mesin e refugjatëve dhe rritjen e numrit të kalimeve të paligjshme të kufirit, shkruan e përditshmja „Welt am Sonntag“, duke cituar burime të shërbimit gjerman të sigurisë, përcjell albinfo.ch.

Dokumenti i titulluar “Emigracioni i paligjshëm”, i cili është përpiluar në një qendër të përbashkët analitike dhe strategjike – Imigracioni i paligjshëm (Gasim), ka ardhur në përfundim se refugjatët vijnë më shpejt duke shkuar pas të ashtuquajturit “itinerari ballkanik”, se këto vende mund ta bëjnë mbylljen e sinkronizuar të kufijve.

“Periudha e kalimit të refugjatëve në vende të veçanta po bëhet më e shkurtër dhe vendet e rrugës ballkanike mund t’i mbyllin kufijtë”, citon Welt am Sonntag përfundimin e raportit në fjalë.

Nëse shtetet anëtare të Bashkimit Evropian nuk ndihmojnë, kjo mund të çojë në një “përkeqësim dramatik të situatës humanitare” dhe rezultat i kësaj situate do të ishte rritja e pakontrolluar e kalimeve ilegale, paralajmëron dokumenti gjerman.

Raporti nga shërbimet gjermane të sigurisë gjithashtu parashikon rritje të valës së refugjatëve nga Siria.

Gazeta në të njëjtën edicionin shkruan se Agjencia e Bashkimit Evropian për Menaxhimin e Kufirit – Frontex, qysh në pranverë të këtij viti ka paralajmëruar Qeverinë gjermane për një eksod të mundshëm të refugjatëve në Evropë.

Paralajmërime me përmbajtje të ngjashme në Gjermani ka dërguar edhe Ambasada Gjermane në Prishtinë, duke paralajmëruar një numër në rritje të emigrantëve të paligjshëm nga Kosova.