Shqiptari me fletarrest, gjendet i fjetur në makinën e rojes kufitare!

Ndodh edhe kjo: Një shqiptar ndaj të cilit ishte shpallur një fletarrest është kapur deri sa po flinte në makinën e rojeve zvicerane të kufirit, në Bazel. Nuk dihen rrethanat që e kanë shtyrë personin e përmendur që si «vend më të sigurt» të gjente pikërisht makinën e një organi ndjekës çfarë është institucioni i rojave kufitare.

Sidoqoftë, rojtari i cili pas përfundimit të ndërrimit të natës kishte dashur të shkonte në shtëpi, në veturë kishte hasur në një mysafir të paftuar, shkruan nzz.ch. Ai së bashku me kolegun e tij ka konstatuar se bëhej fjalë për një person të ndjekur nga policia, transmeton albinfo.ch.

Pasi e kanë dorëzuar në polici merret vesh se mbi shqiptarin e përmendur rëndonte një dënim penal në Zvicër, të cilin ai nuk e kishte vuajtur dhe një ndalesë hyrjeje në këtë vend.