Sot, në 6 kantone, raundi i dytë për Dhomën e Kantoneve

Sot , në gjashtë kantone të Zvicrës votohet në raundin e dytë për nëntë vendet e mbetura bosh në Dhomën e Kantoneve (Senatin) e Parlamentit të vendit. Fjala është për kantonet: Solothurn, St.Gallen, Obwalden, Lucern, Tesinë dhe Bernë.

Partitë SP/PS, FDP/PLR dhe CVP/PDC ndodhen nën presion më të madh për faktin se u duhet të mbrojnë njëkohësisht disa vende në senat, të cilat u rrezikohen nga sfiduesit, kryesisht të SVP/UDC-së. Nga ana tjetër kjo e fundit, në tri kantone paraqitet për herë të parë që domethënë është në rolin e sfidueses.

Duel i fortë në mes të SP-së dhe SVP-së pritet në kantonin St. Gallen ku garojnë Paul Rechtsteiner nga SP (deputet aktual) dhe Thomas Minder (SVP) që e sfidon atë.

Po kështu “Luftë” në mes të dy partive më të mëdha do të ketë edhe në Kantonin e Solothurnit. Këtu Walter Wobman nga SVP-ja sfidon deputetin aktual Robert Zanetti nga SP-ja. Në raundin e parë Zanetti kishte 12 mijë vota më shumë se Wobmann.