Lajme

A do të bëhen testet me pagesë dhe sa do të kushtojnë, nëse bëhen

Kostot për testet ka mundësi të jenë mes 50 dhe 70 franga për ata që do të detyrohen të paguajnë vetë

Këshilli Federal planifikon të diskutojë përsëri opsione të ndryshme për testet falas, ka thënë ministri i Shëndetësisë Alain Berset për mediat, të premten. Njëranga mundësitë është zgjatja e afatit për testet falas, shkruan srf.ch.

Një opsion tjetër është trajtime të ndryshme për grupe të caktuara njerëzish. Sidoqoftë, ende nuk është marrë ndonjë vendim, ka thënë Berset, transmeton albinfo.ch. Në të njëjtën kohë, Ministri i Shëndetësisë e bëri të qartë se rruga për të dalë nga kriza çon përmes vaksinimit, jo përmes testeve.

Në fund të gushtit, Këshilli Federal pati vendosur që kostot për testet e koronës për njerëzit asimptomatikë, duke filluar nga 1 tetori nuk do të përballohen më nga Qeveria Federale, transmeton albinfo.ch. Një rezistencë ndaj këtij vendimi është rritur në mesin e partive parlamentare që kur u zgjerua detyrimi për certifikatën Covid.

Të Gjelbrit, PS, Partia e Mesit dhe SVP kërkojnë që Këshilli Federal të kthejë mbrapshtë vendimin dhe që testet të mbeten falas për të gjithë.

Aktualisht, Qeveria Federale u paguan 47 franga për një test mjekëve, farmacive dhe organizatorëve që kryejnë teste të shpejta të antigjenit. Por kostot për testet ka mundësi të jenë më të larta për ata që do të detyrohen të paguajnë vetë, në rast se mbahet qëndrimi për mos mbulimin e tyre, nga 1 tetori. Ajo llogaritet mes 50 dhe 70 franga.


LAJME INTERESANTE NGA INTERNETI