Lajme
A mund të gjobitem për mosmbajtjen e maskës në Zvicër?
Që nga 19 tetori maskat janë të detyrueshme në zonat e mbyllura në gjithë Zvicrën. A mund të gjobiten apo të arrestohen të ashtuquajturit "refuzues të maskave"?
Më 6 korrik Qeveria zvicerane bëri maskat të detyrueshme në transportin publik në gjithë vendin.
Më 19 tetor kërkesa u shtri në të gjitha zonat e brendshme – duke përfshirë bare, dyqane, restorante, qendra tregtare, diskoteka, zyra postare dhe një varg vendesh të tjera.
Gjithçka që duhet të dini në lidhje me kërkesën e Zvicrës për maskë në mbarë vendin
Por çfarë ndodh nëse dikush nuk dëshiron të veshë maskë?
A mund të refuzoj të mbaj maskë?
Maskat janë të detyrueshme dhe nuk ka të drejtë refuzimi. Nëse nuk vishni, do t’ju kërkohet të dilni nga dyqani ose vendi, ose të zbresni në stacionin tjetër nëse jeni në transportin publik, përcjell albinfo.ch.
Kundërshtarët e ndërgjegjes, pa marrë parasysh sa e mirë është teoria e tyre e konspiracionit, nuk do të jenë në gjendje të shmangin kërkesën.
Nëse refuzoni, mund të gjobiteni ose sanksionoheni për mosbindje – por jo për mos mbajtjen e maskës.
Për shembull, një person u arrestua për refuzimin e mbajtjes së maskës në një qendër tregtare në kantonin e Lucernit më 17 tetor.
Sidoqoftë, policia sqaroi se arrestimi u bë për shkak se burri refuzoi të dilte nga ndërtesa pasi iu tha të vishte një maskë – dhe nuk u ndëshkua për mos mbajtjen e maskës në vetvete, përcjell tutje albinfo.ch.
A mund të gjobitem për mosmbajtjen e maskës?
Pyetje e mirë. Duke folur teknikisht, shkelja e kërkesës për maskë mund të çojë në një gjobë deri në 10,000 CHF sipas Aktit të Epidemive – megjithëse nëse një gjobë e tillë do të merret ndaj një individi mbetet për tu parë.
Ndjekja penale do të drejtohet nga kantonet, por do të duhet që një ankesë të paraqitet nga një pronar dyqani ose lokali në mënyrë që të fillojë procesi.
Michel Gerber, nga Zyra Federale e Shëndetit Publik, tha se të gjitha dënimet duhet të jenë proporcionale me incidentin – duke nënkuptuar që individët nuk kanë gjasa të marrin një gjobë kaq të lartë.
Siç raportohet nga media e Zvicrës “20 minuta”, gjobat më të larta ka më shumë të ngjarë të vendosen kundër pronarëve të biznesit dhe organizatorëve të ngjarjeve.
Të ngjashme
Të tjera nga Lajme
E-Diaspora
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro Bëhet e ditur se rreth 88 milionë euro është vlera preliminare e dërgesave të mërgatës që...
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
Jeta në Zvicër
-
Ndërprerje e transportit publik në Gjenevë Priten ndërprerje të mëdha në linjat 15 dhe 17 të rrjetit të TPG gjatë një pjese...
-
Numër rekord i turistëve amerikanë në pistat zvicerane të skive
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së