Abazoviq merr “Çelësin” e Tiranës

Abazoviq është personi i parë nga Mali i Zi që nderohet me këtë titull

Zëvendëskryeministri shqiptar i Malit të Zi, Dritan Abazoviq, ka marr titullin më të lartë në kryeqytetin e Shqipërisë. Ai është nderuar me “Çelësin e Tiranës” nga kryebashkiaku i Tiranës, Erion Veliaj, shkruan Albinfo.ch.

“Jam i nderuar të jem personi i parë nga Mali i Zi që merr çmimin “Çelësi i Qytetit të Tiranës”, ka shkruar Abazoviq në Twitter.

Ndërkohë këtë lajm e ka ndarë edhe Qeveria e Malit të Zi.

“Sot, zëvendëskryeministrit Dritan Abazoviq iu dha Çelësi i Qytetit të Tiranës nga Kryetari i Bashkisë së kryeqytetit shqiptar, Erion Veliaj. Abazoviq vuri në dukje se Çelësi simbolik i Qytetit të Tiranës duhet të hapë zemrat e qytetarëve të dy vendeve”, thuhet në njoftimin e Qeverisë malazeze.

 

---