Autotech
Aeroplani i ri hipersonik i Boeing, mund të arrijë shpejtësinë prej 7400 kilometrash në orë
Koncepti i aeroplani hipersonik të Boeing do të mund të shërbente si pasues i aeroplanit SR-71 Blackbird, që mund të arrijë shpejtësinë prej 3 Mach.
Boeing prezantoi modelin dhe renderin e konceptit të aeroplanit delta-wing gjatë forumit AIA Scitech, e fjala është për fluturaken për sulm dhe mbikëqyrje që në teori do të mund të fluturonte me shpejtësi për pesë herë më të madhe sesa ajo e zërit.
Kjo do të arrihej falë konfiguracionit “waverider”, që do t’i mundësonte të përdorë valët goditëse të prodhuara gjatë fluturimit, duke rritur kështu fuqinë dhe zvogëluar rezistencën.
Kjo kompani e ka quajtur Valkyrie II, e aktualisht është në fazën e konceptit. Valkyrie II është evoluim i konceptit të vitit 2018 të Boeing që quhej Valkyrie dhe që prezanton aeroplanin hipersonik komercial që do të mund të arrinte nga Londra për në New York për vetëm dy orë.
Koncepti hipersonik po krahasohet me projektin e Lockheed Martin – SR-72, që ishte pasardhës i modelit SR-71 Blackbird.
Lockheed Martin dhe Boeing në dizajnet e tyre përdorin motorët e kombinuar për arritjen e shpejtësisë prej 3 Mach. Lockheed Martin i është bashkuar kompanisë Aerojet Rocketdyne në zhvillimin e motorit, derisa Boeing po bashkëpunon me kompaninë Orbital ATK.
SR-72 do të mund të kryente testin fluturës në vitin 2025, e pritet që shpejtësia prej 6 Mach, përkatësisht 7.400 kilometra në orë, të arrihet atëherë.
SR-71 Blackbird është aeroplani më i shpejtë me ekuipazh, pavarësisht që forcat ajrore amerikane e tërhoqën qysh në vitin 1998. SR-71 dhe koncepti i ri hipersonik me Boeing sipas të gjitha gjasave nuk do të ketë ekuipazh.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Projekti kombëtar i testimit të tokës zhvillohet të shtunën dhe të dielën “Tokat janë thelbësore për jetën: ato sigurojnë prodhimin e ushqimit, filtrojnë ujin dhe strehojnë një...
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të
-
Zvicër: Kostot e sistemit shëndetësor kanë arritur 91.5 miliardë franga