Ahmeti shpalli fitoren në shumicën e komunave shqiptare

“Jam këtu për të konfirmuar lajmin e fitores së madhe të BDI-së në Tetovë, Strugë, në Çair, në Dibër, në Saraj, në Likovë, në Dollnen, Tearcë, Pllasnicë dhe Kërçovë”, deklaroi Ahmeti

Kryetari i BDI-së, Ali Ahmeti e ka shpallur fitoren në shumicën e komunave shqiptare, shkruan albinfo.ch.

Ai njoftoi për komunat ku kanë fituar. “Jam këtu për të konfirmuar lajmin e fitores së madhe të BDI-së në Tetovë, Strugë, në Çair, në Dibër, në Saraj, në Likovë, në Dollnen, Tearcë, Pllasnicë dhe Kërçovë”, deklaroi Ahmeti, njëkohësisht falënderoi votuesit dhe gjitha shtabet e partisë së tij.

Visar Ganiu ka njoftuar se ka fituar, ashtu si edhe në Saraj kandidati i BDI-së, Blerim Bexheti. Edhe në këtë Komunë kanë filluar festimet.

Festa ka filluar edhe në Komunën e Likovës, ku Erkan Arifi është në epërsi ndaj Shaban Zendelit të Lëvizjes Besa.

Aktivistët e BDI-së kanë dalur të festojnë edhe në Strugë.

Është ngushtuar ndjeshëm rezultati në Tetovë, ku ndryshe nga më parë, Teuta Arifi është duke udhëhequr me vetëm pak vota.

Teuta Arifi ka 4 879 vota kundrejt 4 781 votave të Bilall Kasamit.