Lajme

Aksident tragjik në Prishtinë, humb jetën mërgimtari 35 vjeçar

Erdhi për të kaluar pushimet në vendlindje, humb jetën në një aksident

E enjte, 5 Janar 2023 - 12:08 albinfo.ch

Policia e Kosovës raporton se në ora 04:40 të mëngjesit të sotëm ka ndodhur një aksident fatal në Çagllavicë. Si pasojë ka humbur jetën një burrë 35 vjeçar, mërgimtar që kishte ardhur për pushime, përcjell albinfo.ch.

Raportohet se në këtë aksident ka vdekur, A.A nga komuna e Lipjanit.

Ndërsa, Flora Ahmeti, zëdhënëse e Policisë së Kosovës për rajonin e Prishtinës ka thënë se automjeti i përfshirë në aksident ka pasur targa të huaja.

“Vdekjen e tij e ka konstatuar ekipi mjekësor në vendngjarje. Është dërguar për obduksion në Institutin e Mjekësisë Ligjore, ndërkohë që me hetimin e rastit po merret njësiti i trafikut”, ka thënë Ahmeti.

 Të tjera nga Lajme

Kongresi i 27‑të i Federatës së mjekëve shqiptarë në Evropë u mbajt në Tiranë

 E-Diaspora

 Jeta në Zvicër