Aksidentohet kosovarja pasi e zë gjumi mbi timon

Ndihma e shpejtë e ka liruar nga makina dhe e ka transportuar në spital, ku është konstatuar se ka pësuar vetëm lëndime të lehta

Në mëngjesin e sotëm, rreth orës 5,45 minuta një shofere e re kosovare me makinën e saj ka dalë nga rruga dhe ka përfunduar në fushë, me ç`rast makina e tipit bmw, e kthyer përmbys, ka pësuar shkatërrim total. Aksidenti ka ndodhur në rrugën nga Halwil-inë drejtim të Boniswil-it.

Kosovarja 24 vjeçe nuk ka mundur të lirohet vetë nga makina deri sa ka ardhur ndihma e shpejtë dhe e ka transportuar në spital, ku është konstatuar se ka pasur vetëm lëndime të lehta, shkruan polizeinews.ch. Por, policia kantonale e Aargaut ia ka konfiskuar asaj përkohësisht patentshoferin.

Sipas të dhënave të para, ngasësen e veturës në një moment ka zënë gjumi gjatë vozitjes dhe kjo ka qenë shkaktare e aksidentit.