Alpet, bukuri e tetë shteteve

Alpet janë destinacion i popullarizuar për pushime për alpinistët, sidomos gjatë muajve të verës. Alpet shtrihen në tetë shtete evropiane: Gjermani, Zvicër, Austri, Francë, Lihtenshtajn, Monako, Itali dhe në Slloveni.

Zugspitze, Gjermani

Zugspitze është mali më i lartë i Gjermanisë me 2,962 metra. Është një platformë shikimi që ju pret në majë, ku mund të arrihet lehtësisht me teleferik. Zugspitze ndodhet në Gjermaninë jugore, pikërisht pranë kufirit austriak, shkruan DW.

Liqeni Konigssee, Gjermani

Liqeni Konigssee shtrihet në rrëzë të malit mbresëlënës Watzmann në jugperëndim të Gjermanisë. Merrni një varkë elektrike të përshtatshme për mjedisin për të eksploruar këtë hapësirë të qetë uji dhe vizitoni kishën e Shën Bartolomeut në gadishullin Hirschau.

Breitachklamm, Gjermani

Kanioni Breitachklamm në Oberstdorf, në Gjermania jugore, mund të eksplorohet nëpërmjet urave për këmbësorë që çojnë mbi lumin e zhurmshëm Breitach poshtë.

Kështjella Neuschwanstein, Gjermani

Kalaja ikonike e Gjermanisë Neuschwanstein, u ndërtua nga Mbreti Ludëig II i Bavarisë në fund të shekullit të 19-të. Megjithatë, familja mbretërore kaloi vetëm disa ditë atje. Sot, Neuschwanstein tërheq miliona vizitorë, të cilët i magjeps kështjella përrallore dhe mjedisi i saj epik malor, përcjell albinfo.ch.

Ujëvarat Krimml, Austri

Në 380 metra, ujëvarat Krimml në Parkun Kombëtar Hohe Tauern renditen ndër më të lartat në Evropë. Ecja në majë zgjat rreth një orë dhe ia vlen përpjekja! Mjegulla e ujëvarës thuhet gjithashtu se ka efekte të ndryshme të dobishme shëndetësore.

Shpella e akullit, Eisriesenwelt, Austri

Shpella e akullit Eisriesenwelt Werfen pranë Salzburgut, e cila zgjat 42 kilometra, konsiderohet më e madhja e këtij lloji në botë. Ture me guidë, që zgjasin 75 minuta, ofrohen nga maji deri në fund të tetorit. Eksplorimi i shpellës në këmbë kërkon një nivel të arsyeshëm fitnesi dhe veshja e ngrohtë është e detyrueshme pasi temperaturat janë zakonisht nën zero.

Ura Charles Kuonen, Zvicër 

Ura e varur Charles Kuonen pranë Randa, Zvicër, është më e gjata e këtij lloji në Alpe, duke u shtrirë rreth 500 metra përgjatë luginës Grabengufer në luginën Mattertal. Megjithatë, kalimi nuk është për ata që janë të dobët, pasi mund të shikoni drejt poshtë në luginë, rreth 80 metra më poshtë! Ura është e hapur nga maji deri në tetor dhe pa pagesë.

Lucernë, Zvicër

Në Alpe, do të gjeni jo vetëm peizazhe mahnitëse, por edhe fshatra dhe qytete tepër idilike. Qyteti zviceran Lucernë, për shembull, krenohet me shumë arkitekturë historike dhe një qytet hisotirk tërheqës, perfekt për të bërë një shëtitje. Nëse kaloni disa ditë këtu, do të keni kohë edhe për të eksploruar malet përreth, përcjell albinfo.ch.

Matterhorn, Zvicër

Edhe pse Alpet janë plot me maja mbresëlënëse, Matterhorn renditet ndër malet më të famshme dhe më të fotografuara në Evropë, për shkak të formës së tij ikonike piramidale. Rajoni gjithashtu krenohet me një zonë verore të skive, megjithëse ajo u mbyll përkohësisht vitin e kaluar për shkak të reshjeve të pamjaftueshme të borës.

Tre Cime di Lavaredo, Itali

Grupi malor më i njohur i Italisë, Tre Cime di Lavaredo, gjendet në Dolomite. Majat janë një nga pikat më spektakolare të ngjitjes në Tirolin e Jugut dhe janë renditur si një sit i Trashëgimisë Botërore të UNESCO-s. Kjo pjesë e veriut të Italisë është e njohur për turistët për natyrën e saj, si dhe për ofertën e saj të kulinarisë.

Liqeni i Bled, Slloveni

Ky liqen mjaft i vogël në Alpet Juliane në Slloveninë veriore shquhet me një mjedis vërtet piktoresk, me një ishull të vogël dhe male që ngrihen pas. Nuk është për t’u habitur që ky vend është kaq i popullarizuar për çiftet e dashuruara.

Les Trois Vallees, Francë

Ka mbi 600 zona turistike për ski në Alpe! Më i madhi prej tyre gjendet në Francë, ku zona e skive Les Trois Vallees krenohet me jo më pak se 600 kilometra shpate, të lidhura me 180 ashensorë! Përveç shtigjeve të pafundme, ka edhe shumë hotele luksoze dhe restorante për të shijuar, shkruan DW.

---