Amazoni dënohet me 25 milionë dollarë

Kompania Amazon do t’i paguajë 25 milionë dollarë për akuzat se i ka shkelur të drejtat e privatësisë së fëmijëve me asistentin zanor, Alexa.

Siç raportoi BBC-ja të enjten, kompania amerikane u dakordua t’ia paguante Komisionit Federal të Tregtisë pasi s’i kishte fshirë regjistrimet e Alexas, pavarësisht kërkesave të prindërve që kjo të bëhej. Ky rast u zbulua së fundmi, ndersa të dhënat e fëmijëve ishin mbajtur për vite me radhë.

Gjithashtu, njësia e kamerës së ziles së derës të “Amazon Ring” do të paguajë pasi t’u japë punonjësve qasje të pakufizuar në të dhënat e klientëve.. “Ring” do t’u paguajë 5.8 milionë dollarë autoriteteve amerikane, sipas një depozitimi në Gjykatën Federale.

Prindërit ishin ankuar se Amazoni s’i kishte fshirë regjistrimet zanore që fëmijët i kishin shprehur në sistemin Alexa. Mosfshirja e regjistrimeve, siç njofton BBC-ja, ishte bërë me qëllim të përmirësimit së algorimit të Alexas.