Ambasada e Kosovës në Gjermani dhe Oda Gjermano-Kosovare promovojnë bizneset

Ambasada e Kosovës në Gjermani dhe Oda Ekonomike Gjermano-Kosovare, me rastin e aktiteteve për shënimin e 12 Vjetorit të Pavarësisë së Republikës së Kosovës kanë hapur serinë e takimeve që kanë për qëllim promovimin e tregimeve të suksesit të bizneseve nga Gjermania në Kosovë dhe ansajelltas, nga Kosova në Gjermani.

Në Ambasadën e Kosovës në Berlin, me ftesë të Ambasadorit Cufaj, sukseset e tyre parat ë pranishmëve i kanë shpalosur Drejtorët e tre bizneseve nga bizneset anëtare të OEGJK-së: z. Oliver Winter, CEO i A&O Hostels, znj. Hana Qerimi, COO dhe bashkëthemeluese e Shkollës Dixhitale, dhe z. Hubertus Rick, Drejtues i Ekipit në kompaninë Buchhaltung Discount Services. Këto suksese janë treguar para audiencës ndërkombëtare për të ilustruar, se si një vendim i mirë mund të sjellë sukses të madh dhe zhvillim jo vetëm për biznesin, por edhe për vendin!

Të pranishmit me këtë rast janë përshëndetur nga Ambasadori Cufaj dhe Drejtoresha Menaxhuese e Odës Ekonomike Gjermao-Kosovare, Nora Hasani.

Me anë të serisë së takimeve, Ambasada e Kosovës dhe OEGJK synojnë që ta përmirësojnë imazhin e Kosovës në Gjermani, ta informojnë publikun gjerman për mundësitë e të bërit biznes në Kosovë dhe me kompani të Kosovës, si dhe të nxisin rritjen e investimeve gjermane në vend, përcjell Albinfo.ch